Ka 2nd Inter Dong Tournament INCSC 2023 wa pynman da ka Iapmala Neiñshnong Cultural & Sport Club da poi ko cha wakut ynnin ka 21 tarik da ka yakhun Final hapyrdi ka Lumsiehdieng FC pyrchah yaka Lumpyrdi SC.
Ka yalehke da man ko kawa ya ryngkat bor heiwa nyngkong mar ya sdang yoh wot ka Lumsiehdieng wow thap ha ka minit wa 10 lyngba u Tlitos Lamo tangwa ka Lumpyrdi Sc da su kylliang ko ha ka kylla miet haka minit wa 3 lyngba u Chester Lyngdoh.
Neiliang ka Lumsiehdieng da thap biang ko haka minit wa 43 lyngba u Critick Muksor kawa da neh hadooh wakut ka yalehke khlem em de wa yoh u pynkhih jaar yow pynjop yaka Lumsiehdieng FC da 2-1.
Yei naam Best Player da yoh da u Yesly Lamo naka Lumpyrdi katwa yei naam Best Goalkeeper da yoh da u Meaning Khaii naka Lumsiehdieng.
Ya kani ka Final da wan pynhaap pyrda da u Waheh Chnong ka Iapmala, deiwa emlang u MDC ka Bataw-Lakadong Constituency uwa man leh kam u tre chnong u, Dr. Sanky Shangpung deilang wa wa ki dkhot yong ka chnong kamjooh wa ki dkhotyiong ka dong.
Discussion about this post