Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA, da pynkut yaka ynne ka sngi da ka yakhun Final hapyrdi ka Maitchaphrang Mootyrchiah waka Khliehmuchut Shangpung ha madan Kiang Nangbah, Jowai.
Ha kani ka yakhun Final ka Maitchapharang da jop ko da 2-1.
Ka Maitchaphrang da yoh ko wow thap nyngkong haka minit wa 4 lyngba u Sanborlang Tang heiwa ka Khliehmuchut Shangpung da ye ko wow su kylliang ha ka minit wa 14 lyngba u Arwan Phadong kawa da neh hadooh wa kut ka kylla step.
Ha ka kylla miet, ka Maitchaphrang da pyntikna ko yei jop lyngba u Risanlang Dkhar uwa da thap kool haka minit wa 79.
Ha kani ka sngi da saam leh ya ki khunaam Top Scorer wa da yoh da u Dangri Phawa yong ka Madankynsaw Mookyndeng wa u Risanlang Dkhar ka Maitchaphrang Mootyrchiah kiwa da yoh mar 8 kool.
Yei naam Best Goalkeeper da yoh u Damiki Tyngkan naka Mookyrdup, yei naam Man of the Match da yoh u Shanborlang Tang yong ka Maitchaphrang Mootyrchiah katwa yei naam Man of the Tournament da yoh u Risanlang Dkhar naka Maitchaphrang Mootyrchiah.
