Amlarem: Ka Mawlong FC da yoh ko u rah ya i naam wa jop ya ka Khonglah Invitation Football Tournament 2017 deiwa pynrem ya ka Ampdum FC da 3-1 ha ka Final wa pynman ha ka 30-12-17.
Ya kani ka Tournament da pynman ha Ampdum Multipurpose Sport Club, Khonglah lyngba i yarap na ka yungkrehkaam u DSO West Jaiñtia Hills.
Ya kani ka Final da wan sakhi da u Stephanson Mukhim uwa man kam u kongsan hei emlang ki dkhot ka Ampdum Multipurpose Sport Club, ki waheh wa sian yong kani ka thaiñ wa ki paidbah wa kyrchaan ya ki dhab wa yakhun Final.
Ka Mawlong FC kawa rah yei naam Champion da yoh ko leh ya ka song poisa wa T. 25,000 wa ka trophy wei ka Ampdum Multipurpose FC kawa rem da yoh ko T. 15000 wa ka trophy.
Yei naam Best Discipline Team da yoh da ka Amkoi Sports Club ,Top Scorer da yoh u Decont Pohkshang, Best Player u Akordor Lamat wei ya i naam Best Goalkeeper da yoh da u Hepduh Nyalang.
Waroh ki dhab wa wan chimbynta ha kani ka lympung da em ki 16 tylli na 10 tylli ki chnong kiwa em ha kani ka thaiñ.
Discussion about this post