Kiwa yalehbol ka Meghalaya da wanrah burom biang ki ya ka jylla deiwa jop ya ka Final ka National School Games Boys’ Football pyrchah ya ka Punjab ha Tatya Tope Stadium, Bhopal ynne ka sngi yow yoh Gold Medal deiwa jop da 1-0 da ka kool wa thap ha ka kylla miet ha ka minit wa 41.
Ka yalehke toh kawa pynman 30 minit chi kylla.
ADVERTISEMENT
Kiwa yalehke ka Meghalaya da hap ki wow yaleh arsien ynne heiwa nyngkong da jop ki ya ka Kerala da 1-0 ha ka Semi Final.
Ha ka Quarter Final, ka Meghalaya da jop ko ya ka Maharashtra da 5-3.
Ynne da man ko leh ka sngi wa pynkut ya kani ka 66th National School Games kawa da sdang ha ka 6 tarik uni u bnai wei da pynman ya ka ha Delhi, Bhopal wa Gwalior heiwa da pynman leh ya kiwa boon ki jait yalehke.
