Ki yalehke ka 7th Open to All Invitation Wahiajer Football Tournament 2023 wa pynlai da ka Wahiajer Sports & Cultural Club ha Wahiajer dapoi ki cha wakut ynnin da ka yakhun Final hapyrdi ka MLP Football Team waka Tympang Club Iongshiwait SC.
Ya kani ka yakhun Final da wan wow sakhi da u Symbood Montri Rangbah ka jylla kamjooh u MLA ka thaaiñ, u Sniawbhalang Dhar.
Ha ka yakhun Final, ka MLP da jop suk ko da 2-0 ya ka Iongshiwiat da ki kool wa thap u Ramos Ingti.
Ka MLP da yoh ko leh u rah ya ka song poisa kawa Rs. 2,30,000 katwa ka Iongshiwiat da yoh ko Rs. 1,20,000.
Yei naam Man of the Match da yoh da u Hessmanwell L Marshillong naka MLP.
Yei naam Best Goalkeeper da yoh u Rickseng Sangma naka MLP, yei naam Best Player of the Tournament da yoh u Aldrin Monlang Ramsiej uwa na ka MLP katwa yei naam Top Scorer da yoh da u Wadajied Ryngkhlem naka Iongshiwiat.
Discussion about this post