Ka Super Division ka Saipung Block Sports Association (SBSA) da poi ko cha wakut ynnin da ka yakhun Final hapyrdi ka Mulait United FC waka Lamyrsiang SSC.
Ka Mulait United da yoh ko wow rah yei naam Champion deiwa jop da 1-0 da ka kool wa thap u Sani Phawa haka minit wa 38 ka kylla step.
Ka Mulait United da yoh ko leh yaka song poisa kawa Rs. 50,000 katwa ka Lamyrsiang won da yoh ko Rs. 30,000.
Yei naam Man of the Match da yoh u Jeffre Surong uwa yalehke ka Mulait United, yei naam Goal Keeper of the Tournament da yoh u Sbing Chyrmang uwa yalehke ka Mulait United, yei naam Top Scorer da yoh u Go Goa Hangshing uwa da thap 15 tylli ki kool yaka Lamyrsiang SCC katwa yei naam Player of the Tournament da yoh u Lamphrang Paslein uwa yalehke ka Lamyrsiang SCC.
Ya kani ka Final da wan wow sakhi da u Defend Pakem kam u kongsan neitæ ki symbood kongsan, u Jikham Syrti wa u Khroobok Passah, DSO ka West Jaiñtia Hills.
Discussion about this post