Ka 2nd SSA Super Cup da jop ka da ka Nongkseh deiwa pynrem ko ya ka Meghalaya Police da 3-0 ha ka yalehke Final wa da pynman ha SSA Stadium ynne i janmiet.
Ka Nongkseh da yoh ko ya ka kool wa nyngkong ha ka minit wa 8 kawa da thap bakla da uwa yalehke ka MLP u Wanteilang Kharkongor kawa da neh hadooh wa kut ka kylla step.
Ha ka kylla miet, u Dawanchwa Challam da thap u ha ka minit wa 78 wei da pyntikna yei jop sa ka kool wa thap u Captain, u Hardy Cliff Nongbri ha ka minit wa 86.
Ya kani ka yakhun Final da wan wow sakhi da u Sports Minister, u Wailadmiki Shylla deiwa emlang u Chief Secretary warim, u Donald P Wahlang, ka Director General of Police, ka Idashisha Nongrang, u President ka Meghalaya Football Association, u Hamletson Dohling, u General Secretary ka MFA, u Sunesh Syiem deilang ki heh ka SSA hei yahkhmat u President, u Banteidor Lyngdoh, MLA.
Yei naam Player of the Final da yoh u Chesterpaul Lyngdoh na ka Nongkseh wei kam ka Champion da yoh ko ya ka song poisa wa Rs. 2 lak katwa ka MLP da yoh ko Rs. 1 lak.
Kattu won daw sdang sa ka 2nd SSA Champions Cup ha u bnai wow wan deiwa chimbynta ki Champion wa ki Runner-Up na waroh 5 tylli ki Division ka SSA.
Discussion about this post