Ka 5th Inter-Dong League wa pynlai da ka Nongtalang Khlachympa Sports & Cultural Club (Seng Samla Nongtalang Khlachympa) Nongtalang, dapoi ko cha wakut ynnin ka 8 tarik da ka yakhun Final hapyrdi ka Nongtalang Mission Youth Club pyrchah ya ka Nongtalang Khlachympa-B.
Ka yalehke da man ko kawa ya ryngkat bor bha wei ym em kiwa ye u thap kool hadooh wa kut i por, kamtæ da rai wow pynman da ka yachut Tie-Breaker heiwa kani da man ko leh kawa yatoh bor bha tangwa hawa kut da jop ka Nongtalang Mission Youth Club yaka Nongtalang Khlachympa-B da 8-7.
Ya kani ka 5th Inter-Dong League da wan wow pynhaap pyrda da u MLA warim ka 7-Amlarem, u Stephanson Mukhim uwa man leh kam u kongsan deiwa emlang u MDC ka War Central, u Holando Lamin deilang wa u General Secretary ka HYC-Central Body.
Ha kani ka lympung da saam leh yei naam Top Scorer cha u Ravi Manar uwa da thap 4 tylli ki kool uwa yalehke ya ka Chnongklor FC. Yei naam Best Goalkeeper da yoh rah da u Shining Star Myrchiang uwa yalehke ka Nongtalang Shnongthymmai United FC, wei yei naam Emerging Player da yoh wow rah da u Fleming Lyngdoh naka Nongtalang Shnongthymmai United FC.
Yei naam Player of the Tournament da yoh wow rah da u Dedychynnam Pohsnem naka Nongtalang Khlachympa-B, katwa yei naam Best Discipline Team da yoh wow rah da ka Nongtalang Shnongthymmai United FC.


