Jowai: Ka 19th Riwar Cup Invitation Football Tournament kawa sdang nadooh u Kmaichonglad (Dec) 2018 wa pynman da ka Bakur Social Welfare Sports Club da poi ko cha wa kut da ka yakhun Final hapyrdi ka Nongyngur SC waka Nongmadan Sports Club wa pynman ha madan Bakur.
Ka Nongtyngur da jop yaka Nongmadan da 3-1 da ki kool wa thap u Restarwel Marbaniang haka minit wa 6, u Basuklang Khonglamet haka minit wa 72, u Stoperwel Tangsong haka minit wa 75 katwa yaka Nongmadan da thap da u Ribar Dkhar haka minit wa 27.
Ya i naam Top Scorer da yoh u Primose Lamat naka Mawlong SC, Best Player da yoh da u Bansan Khongsdam naka Nongtyngur SC katwa yei naam Best Goalkeeper da yoh rah u Banpynskhem Khongbuh naka Nongtyngur SC.
Ka Nongtyngur da yoh ko leh wow rah ya ka song poisa wa T. 1,40,000 wa ka trophy katwa ka Nongmadan won da yoh ko ya song poisa wa T. 80,000 deilang waka Trophy.
Ya ka sngi pynhiar pyrda da wan sakhi lang da u montri sorkar wa pait leh ya ka Border Area u Lahkmen Rymbui uwa da saam yaki khusnam cha kiwa poi Final hei sakhi lang ki paidbah wa boon.
Discussion about this post