Ka Reserve Bank of India, Shillong ynne kam chibynta ka yakob All India Quiz Competition da pynman ko ya ka District Level Quiz Competiton hajrong ka phang Financial Literacy 2023 kawa yatoh wa ki kaam poisa poilaiñ neibynta ki khynnah Classes VIII hadooh Class-X ka West Jaintia Hills District ha Yutran Inn, Ladthadlaboh, Jowai.
Ki khynnah da mihkhmat ki mar ar ngut na ki skur sorkar sorkar ka District.
Kani ka Quiz da pynman yow pynchlur ya ki khynnah wow tip ki chaphang ki kaam poisa poilaiñ yow pynman ya kiwa chong chnong kiwa da tip da che yow pynkupbor lang ya ka ri. Ki thup yulli toh kiwa yatoh wa i rukom krehkaam ki Bank wa kamjooh ki kaam poisa poilaiñ yong kiwa boon ki jait khih wei kiwa yatoh leh waka G20.
Hawa kut ya kani ka Quiz da rah da ka Nongtalang Govt. Secondary School, hei wa ar da yoh ka Sohkha Govt. Higher Secondary School katwa yei wa le da yoh ka Jowai Public School.
Ya kiwa jop da e leh da ka song poisa deilang wa ki Certificate.
Kiwa jop kattu daw chimbynta ki ha ka State Level Quiz Competition kawa daw bood won sa ka Zonal level Quiz wei daw pynkut da ka National Level Quiz kawa daw pynman heipor wa pynman ya ka yalang wa heh dooh ka G20.
Neiliang kiwa chimbynta kamjooh kiwa sikai skur da pynsñiaw ki yei sñiawkmen wei yaroh ya ka RBI wa da pynman ko ya kani ka Quiz.
