U President ka Voice of the People Party (VPP), u Ardent Miller Basaiawmoit da ong u wa i yaleh yong ka VPP ymtoh ya uwon uwon u bru samen næ kawon kawon ka jaitbru, tangwa wow pynbait ya yei eh wa mih na ka Reservation Policy kawa da ktah ya ki khynroo khyllood.
Da ong u wa ha i yakhih ka VPP ymem por wow yaklam ya ki kaam samen tangwa ya ki kaam wa khroo neibynta wow saiñdur ya ka mynried ka jaitbru.
Chooh chooh da ong u wa i ong u wa i pynbaad ymtoh du ha kani ka jaitbru Khasi, Jaiñtia tangwa i sakhiat toh wa kiwi ki jaitbru leh da yachrut ki para ki, tangwa ka Party ymtoh u pynlai yumut than ko du ya kiwa mutdur sih.
Kam wow kdaw heini ha ka sngi dep Bibar, u heh ka UDP uwa man u Montri ha ka sorkar, u Paul Lyngdoh da beiñ joor u ya u Ardent hajrong i yakhih iwa da lang ki paidbah ha i thaw chah thngan wow dawa pynbait thymme ya ka Job Reservation Policy yong ka jylla tangwa neiliang u President ka VPP da kyntait wow wow pynbaad kylliang deiwa ong wa i yaleh ka Party ymem wa uwon uwon u bru samen.
Ha iwi i liang u heh ka VPP da ong u wa kamwa man katni da yoo ya i tylli ki paidbah wei i yatylli toh wan i neidaw ka yurim kawa skem wei pynsñiaw u leh wa neini chakhmat emkaam wow nang yatylli kam ka jaitbru.
