Jowai: Ka 12th Inter School Badminton Championship 2017 kawa sdang nadooh ka 18 tarik uni u bnai da poi ko cha wa kut ynne ka sngi heiwa ka North Liberty Higher Secondary School, Jowai da jop ko aw jan ha waroh ki kyrdan yalehke.
Ha uni u snem waroh kiwa chimbynta na ki 10 tylli ki skur na West Jaiñtia Hills da em ki 117 ngut heiwa 99 ngut toh ki chynrang katwa 18 ngut won ki kynthai. Ka poisa waroh wa saam cha kiwa jop da poi ko T. 48,000.
Ya kani ka Badminton Championship da pynman da ka West Jaiñtia District Badminton Association ha Khimusniang Indoor Sport Hall, Jowai wei da wan pynhiar pyrda ya ka da u District Sport Officer ka West Jaiñtia Hills District u H. Shangpliang kam u kongsan hei emlang u K. Passah u District Sport Officer ka East Jaiñtia Hills District kam u symbud kongsan.
U kongsan hei klam yong oo da ong u wa emkaam u yabhah yei por yong i heitæ i rukom wow yoh por u khreh kot kamjooh wow yalehye yow pynpliah yei sap yong i.
Kiwa jop ha ki kyrdan waphær waphær man ki kamni ha wah:
Ka yalehke mar samen hapoh 11 snem yong ki kynthai
Ka Tipsngi Niang na Govt. Girls HSS, Jowai da pynrem ko ya ka Aureliana E. Passah na North Liberty HSS, Jowai da 21-8, 21-9.
Ka yalehke mar samen hapoh 11 snem yong ki chynrang
U Leminelson Suchiang na North Liberty HSS, Jowai da pynrem u ya u Iaritre Kyndiah na North Liberty HSS, Jowai da 21-16,21-18.
Ka yalehke mar samen hapoh 13 snem yong ki kynthai
Ka Josefina D. Passah na North Libert HSS, Jowai da pynrem ko ya ka Alvinia Kma na North Liberty HSS, Jowai da 21-10, 21-8.
Ka yalehke mar samen hapoh 13 snem yong ki kynthai
U Daphrangshngain Challam na North Liberty HSS, School da pynrem u ya u Dayang Lamar na North Liberty HSS, Jowai da 21-14, 25-23.
Ka yalehke mar arngtu hapoh 13 snem yong ki kynthai
Ka Josefina D. Passah wa ka Aureliana E. Passah na North Liberty HSS, Jowai da pynrem ki ya ka Dahun I Hakini Liting wa ka Alvinia Kma na North Liberty HSS, Jowai da 21-10, 21-14.
Ka yalehke mar arngut hapoh 13 snem yong ki chynrang
U Dayang Lamar wa u Darapshngain Challam na North Liberty HSS, Jowai da pynrem ki ya Owawan Dkhar wa u Samehi Shylla na North Liberty HSS, Jowai da 21-9, 21-16.
Ka yalehke mar samen hapoh 15 snem yong ki kynthai
Ka Josefina D. Passah na North Liberty HSS, School da pynrem ko ya ka Wan I Teilad Suting na Jowai Public School da 21-14, 21-11.
Ka yalehke mar samen hapoh 15 snem yong ki chynrang
U Armanroi Bamon na Govt. Boys’ HSS, Jowai da pynrem u ya u Samhauni Shylla na North Liberty HSS, Jowai da 21-18, 19-21, 21-18.
Ka yalehke mar arngut hapoh 15 snem yong ki kynthai
Ka Phiwanrinia Suting waka Wan I Teilad Suting na Jowai Public School da pynrem ki ya ka Alvinia Kma waka Ridamika Suting na North Liberty HSS, Jowai da 21-8, 21-10.
Ka yalehke mar arngut hapoh 15 snem yong ki chynrang
U Dronicious Shullai wa u Kyntubhami Bamon na KJP HSS, Jowai da pynrem ki ya u Ritre oo Dame Nongpluh wa u Sambul Lamare na Govt. Boys’ HSS, Jowai da 22-20, 12-21, 21-19.
Ka yalehke mar samen hapoh 17 snem yong ki kynthai
Ka Wakani Toi na North Liberty HSS, Jowai da pynrem ko ya ka Deibha Kyndiah na North Liberty HSS, Jowai da 21-7, 21-8.
Ka yalehke mar arngut hapoh 17 snem yong ki kynthai
Ka Wakani Toi wa ka Ridamika Suting na North Liberty HSS, Jowai da pynrem ki ya ka Phiwanrina Suting waka Wan I Teilad Suting na Jowai Public School da 21-17, 21-11.
Ka yalehke mar arngut hapoh 17 snem yong ki chynrang
U Rishanmi oo Bamon wa u Deilang Wa oo Nongpluh na Govt. Boys’ HSS, Jowai da pynrem ki ya u Eldonroy Lamar wa u Samhauni Shylla na North Liberty HSS, Jowai da 27-25, 21-11.
Ka yalehke mar samen hapoh 17 snem yong ki chynrang
U Rishanmioo Bamon na Govt. Boys’ HSS, Jowai da pynrem u ya u Gregoreo Passah na Govt. Boys’ HSS, Jowai da 21-8, 19-21, 21-15.
Discussion about this post