Ka District Level Inter School Athletic Meet 2024 ka West Jaiñtia Hills District dapoi ko cha wakut ynne ka sngi kawa da sdang nadooh ka 1 tarik uni u bnai.
Ya kani ka sngi pynhaap pyrda da wan wow embynta da u DC ka West Jaiñtia Hills, u B.S. Sohliya kam u kongsan deiwa emlang u DSO ka West Jaiñtia Hills, u Khroobok Passah deilang waka DSO ka East Jaiñtia Hills, ka Stephanie M Rapsang, kiwa kitkaam ka WJDSA deilang ki spah ngut ki khynnah skur.
Ha uni u snem yei naam Overall Champion da rah da ka North Liberty Higher Secondary School kawa da yoh 14 tylli ki Takma Ksiar, 12 tylli ki Takma Rupa wa 4 tylli ki Takma Tama.
Yei naam Best Disciplined da rah da ka On And On English Secondary School, Ummulong.
Ka yalehke toh kawa da yabhah haka Under-14, Under-16 wa Under-18 neibynta ki chynrang wa kynthai.
Yei naam Best Athlete haka Under-14 Boys da yoh u Stephan W Daimary naka Adventist Higher Secondary School katwa neibynta ki kynthai da yoh ka Ibanetilut Shylla naka North Liberty Higher Secondary School.
Yei naam Best Athlete haka Under-16 Boys da yoh u Teilang-Mi-I Phawa naka Government Boys’ Higher Secondaty School katwa neibynta ki kynthai da yoh ka Eladki Ksoo naka North Liberty Higher Secondary School.
Yei naam Best Athlete haka Under-18 Boys da yoh u Ioh-I-Ksan Lyngdoh naka Government Boys’ Higher Secondary School katwa neibynta ki kynthai da yoh ka Deigracia Dan naka North Liberty Higher Secondary School.
Discussion about this post