Ka Inter School Football Tournament kawa man leh ka Subroto Cup 2022, West Jaiñtia Hills kawa da pynman da ka yung krehkaam u District Sports Officer, West Jaiñtia Hills District da poi ko cha wakut ynne ka sngi da ki yakhun Final ka Under-17 Girls, Under-14 Boys wa Under-17 Boys heiwa ka North Liberty HS School da psiah Final ko ha waroh le tylli ki kyrdan.
Ya ka yakhun Final da sdang da ka Under-17 Girls hapyrdi ka North Liberty HS School waka Kiang Nangbah HS School heiwa ka North Liberty da jop ko da 3-0.
Ha ka Under-14 Boys won da yachem ka North Liberty HS School waka RC Eve Secondary School, Mihmyntdu heiwa ka RC Eve dajop ko da da 2-1.
Ha ka Under-17 Boys won ka North Liberty HS School da yachem ko waka Little Flower HS School Ummulong heiwa ka North Liberty da jop ko da 1-0.
