Ka Moodymmai Annual Inter Dong Football Tournament 2023 wa pynman da ka Moodymmai Sporting Union da poi ko cha wakut ynnin ka 21 tarik ha madan bol ka Moodymmai deiwa wan sakhi kam u kongsan da u Eveningstar Teron, MDC ka Nongjngi Constituency deiwa emlang u MDC ka thaaiñ, u Jesse Suiam, u Chairman Chnong, Assistant Waheh Chnong, ki dkhot chnong, ki dkhot ka Club wa ki waheh na ki chnong wa mar jan.
Ka Final toh kawa da pynman hapyrdi ka Pyrdichnong SC waka Tiplem Lumsalah SC wei da man ko kawa ya ryngkatbor bha heiwa da kut ka yaleh da mar chi kool hadooh wa kut i por.
Ya ka kool ka Pyrdichnong SC da thap da u Solomon Chullai ha ka minit wa 56 katwa ya ka kool ka Tiplem da thap da u Sameki Syngkon ha ka minit wa 63, kamtæ da pteiñ ya ka yalehke da ka yachut Tie-Breaker heiwa ka Pyrdichnong SC da jop noh ko ya ka Tiplem SC Lumsalah da 9-8.
Yei naam Top Scorer yong kani ka Tournament da yoh da u Pynbiang Raliang, yei Best Player da yoh da u Sameki Syngkon katwa yei naam Best Goalkeeper da yoh da u Freewell Laloo.
Discussion about this post