Ka Super Division ka Amlarem Sub-Divisional Sports Association (ASSA) da poi ko cha wakut ynne da ka yakhun Final hapyrdi ka Seinbhalang Shkentalang waka Amlarem SC heiwa ka Seinbhalang da jop ko da 1-0 da ka kool wa thap u Abul Iaskar haka minit wa 65.
Ya kani ka Final da wan wow sakhi da u Montri ka chnat Sports & Youth Affairs, u Shakliar Warjri kam u kongsan deiwa emlang u MLA ka thaaiñ, u Lahkmen Rymbui deilang u SDO, u DSO wa kiwi de kiwa chah khut sñiawbha.
Ka Seinbhalang Shkentalang kam ka Champion da yoh ko yaka song poisa kawa Rs. 60,000 katwa ka Amlarem kam kawa rem da yoh ko Rs. 40,000.
Yei naam Best Player da yoh da u Iaidakyrmen Jungai naka Amlarem SC, yei naam Best Goalkeeper da yoh da u Wanlambok Tariang naka Seinbhalang Shkentalang katwa yei naam Top Goal Scorer da yoh da u Dongmi Surong naka Umladkhur SC.
U Montri hawa e yei klam da pynbna u wa ya kani ka madan Mini Stadium Ladjaplem daw siang Artificial Turf noh ha u snem wa daw wan ha u Thohlakhmi (Feb), 2024.
Discussion about this post