Ka Shillong Cricket Association-A da ye ko wow pynrem yaka Tura District Cricket Association-A yow jop da 177 Run haka Final ka Meghalaya Cricket Association Inter-District U-23 Tournament wa pynman ha Mendipathar ynne ka sngi.
Deiwa pteiñ yaka sngi wa le wa kawa khaddooh, ka SCA-A da emkaam ko sa 3 Wicket yow jop, iwa da ye ko wow yoh deiwa kawang bol 20 Over hadien kiwa Bat cha tdong da pyn-eh ki.
Hawa kut, ka Tura da ye ko wow kamai 89 Run na ki 68.4 Over, deiwa kamai du 25 Run na iwa eh ki ynnin i miet.
U Manish Sharma, da yoh u 10 Wicket ha kani ka yalehke, da Bat won u palat 2 kynta chiteiñ yow yoh 18 Not Out, katwa u Ronie Marak da neh u palat chi kynta yow kamai 13 Run. Tangwa hadien wa haap u Marak, ki Wicket wa sah da haap ki woot woot kiwa waroh da yoh u Lokesh Turaha (3/12).
U Man-of-the-match u Abhishek Kumar, ym em de ye u wow yoh Wicket ynne tangwa waroh da yoh u 9/37 hadien wa yoh u 8/22 haka Innings wa nyngong wa 1/15 hawa Innings wa ar. U Swastic Chettri da yoh u 5/17.
Yei saam yaki khusnaam da leh da ki dkhot ka MCA kiwa wan na kylleiñ ka jylla wa kynthup ya u MCA Honorary Secretary u Gideon Kharkongor uwa da e yaka Trophy cha u Captain ka SCA-A u Abhishek Gupta.
