Amlarem: Ka 6th Pdengshakap Secondary School Invitation Football Knock-Out Tournament, kawa jooh pynman man u snem da pynhaap pyrda noh ya ka ha kani ka 30 tarik uni u bnai kawa pynman da ka Committee yong kani ka skur hapoh i pait yong ka chnong Pdengshakap.
Ya kani ka Football Tournament da wan pynhaap pyrda da u Ex-MLA yong ka 7-Amlarem Constituency u Stephanson Mukhim uwa man leh kam u u kongsan ha katai ka sngi hei emlang u Dolloi yong ka Elaka Satpator u Daman Lakashiang uwa man kam u symbood kongsan, ki dkhot yong ka Committee ka chnong Pdengshakap, ki bru waheh wa kiwa maya yalehke Football yong ka thaaiñ kiwa wan wow sakhi ya ka yalehke Final.
Chwa wow sdang ka yalehke neiliang u kongsan da e u ya ki tien kyrkhu kyrdoh ya kiwa pynman ya kani ka lympung yalehbol wow lai ki chakhmat neibynta ka miat ka bha ka imlang sahlang yong ka chnong wei da sneiñ u leh ya kiwa yalehke waroh arliang wow man ki kiwa em ka mynsien yalehke.
Ya ka Final da pynman hapyrdi ka Skhenpyrsit FC pyrshah ya ka Mawjatap Sport & Cultural Club.
Hawa kut ka Skhenpyrsit FC da yoh ko wow rah yei naam jop lyngba ka yachut Tie-breaker da 4-3.
Kiwa jop da yoh ki leh ya ka song poisa wa T. 2 Lak katwa kiwa rem da yoh ki T. 1 Lak deilang wa ki Trophy.
Discussion about this post