Ka T20 Cricket Tournament 2023 ka East Jaiñtia District Cricket Association (EJDCA) dapoi ko cha wakut ynne ka sngi da ka yakhun Final hapyrdi ka Mookhep waka Sohkymphor.
Ya ka kylla-khlem da jop da ka Mookhep wei da jied ko wow kawang bol nyngkong heiwa ka Sohkymphor da booh thong ko 115 Run na ki 20 Over deiwa dooh 7 Wicket.
Ka Mookhep hawa beh ya ka thong da ye ko wow kamai du 87 Run deiwa dooh 8 Wicket na waroh ki 20 Over.
Na kiwa kawangbol ka Sohkymphor, u Heipormi Lyngdoh da yoh u 2 Wicket na ki 4 Over deiwa e 19 Run, u Roshan Dkhar won 2 Wicket wei da kamai u 40 Run yow yoh syndon yei naam Man of the Match.
Na kiwa Bat ka Mookhep da lehbha u Sanu Rymbai uwa da dat 22 Run na ki 30 bol.
Ya kani ka Final da wan wow sakhilang da u Tiewful Shadap uwi na ki bru wa bna pyrtuid ha ka thaaiñ kam u kongsan, u Wilbert Nongtdu, waheh chnong ka Dienchynrum kam u symbood kongsan deilang wa ki dkhot ka EJDCA wa kyntup ya u President, u Rajiv Bareh.
Ka Sohkymphor kam kawa jop da yoh ko ya ka song poisa kawa T. 13,000 katwa ka Mookhep won da yoh ko T. 9000.
