Ka 10th H. Sayoo Inter Group Football Tournament 2022 wa da pynlai da ka Thangbuli Youth Social Welfare Club da poi ko cha wakut ynni ka sngi ha Thangbuli hi.
Kani ka lympung yalehbol toh kawa da pynman yow pynchlur ya ki khynnah wa em hei sap.
Da wan wow pynhaap pyrda ya ka da u Dr. W.R. Kharlukhi, MP Rajya Sabha deiwa emlang u MLA warim ka Amlarem, u Stephanson Mukhim, u MDC ka War East, u Gilroi Tariang, u MDC ka Jowai South, u Saron Paswet, u MDC ka War Central, u Holando Lamin, u Eric Buam deilang wa kiwi de kiwa chah khut sñiawbha.
Ha ka yakhun Final da pynman hapyrdi ka Amsyier FC waka Sualudong FC kawa da kut ko khlem em wa yoh u thap kool hadooh wa kut i por, kamtæ da pynman da ka yachut Tie-Breaker heiwa ka Sualudong da jop ko da 4-2.
