Ka Tura District Cricket Association da rah ko ya ka U-15 Inter District Cricket Tournament 2023 wa pynman da ka Meghalaya Cricket Association deiwa pynrem ya ka Shillong Cricket Association-A da 4 Wicket ha ka sngi wa ar ka Final ha Umbuda, Ri-Bhoi ynne ka sngi.
Ka SCA-A da Bat nyngkong ko hadien wa jop ya ka kylla-khlem heiwa da kamai ki 101 All Out wei da jubab ka TDCA da 110/10. Hadooh wa kut ka yalehke ynnin, ka SCA-A da yoh ko 46/3 ha ka Innings wa ar.
Ynne won ka Shillong da haap lut ko deiwa kamai ko 101 biang wei ini da booh thong ko ya ka Tura 93 Run yow jop iwa da ye ki wow leh deiwa suk heiwa da dooh ki 6 Wicket.
Ha uni u snem ya kani ka Tournament da pynman da kawa ar sngi kawi ka yalehke deiwa e laad ar Innings chiliang heiwa kiwa chimbynta da pynsñiaw ki yei sñiawsuk bha ya kani ka rukom yaleh yow pynkhreh ya ki yow mihkhmat ya ka jylla ha ki yakob waphær waphær.
