U Sniawbhalang Dhar, u Montri ka sorkar Meghalaya da wan pynhaap pyrda ya ka lympung yaleh bol ha Khanduli kawa da pynman da ka Khanduli Sports Committee.
Ha chwa u sdang yaka yakhun Final da em ka yalang wada pynlai da u B.B. Bynnud wei da yoh leh yei klam pdiang na u Waheh Chnong ka Khanduli, u Yoshida Nongspung, da yoh leh i klam na u Hambertus Nongtdu, CEM warim ka JHADC, na u Waheh Chnong ka Namdong B, u Damian War wa na u Waheh Chnong ka Wahiajer, u Sanwotki Laloo.
Ka yakhun Final da pynman hapyrdi ka Umjlasiaw SC pyrchah yaka Khonsaroo SC heiwa ka Umjlasiaw SC da jop ko da 3-2 wei da yoh ko u rah leh yaka song pisa wa T. 60,000 katwa ka Khonsaroo da yoh ko T. 30,000.
Da pynchongchit ya kani ka sngi da ki rwai ki chaad na ki khon ka chnong Khanduli wei da wan sakhi ya kani ka Final da ki khon ka chnong Khanduli chirup wa ki marjan chnong.
