theme-sticky-logo-alt
theme-logo-alt
Advertisement ad1
Advertisement ad1

Rah ka United Biate ya ka 1st Division ka Saipung Block Sports Association

Advertisement ad1
Advertisement ad1

Ka United Biate FC da jop ko ya ka Latyrke SC ha ka Final ka 1st Division yong ka Saipung Block Sports Association (SBSA) kawa da pynman ha ka 23 tarik uni u bnai.

Ka yakhun Final da man ko kawa yoosuk bha wei da pynhun ya ki paidbah wa wan paitke heiwa ya ka kool wa nyngkong da thap ya ka United Biate ha ka minit wa 64 lyngba u Lura Ngamlai, iwa da pynbood ha ka minit wa 69 da u Zire Ngamlai wa ha ka minit wa 70 lyngba u George Hemilton.

Advertisement ad1

Ha kani ka sngi da wan wow sakhi da u Evening Star Teron, MDC kam u kongson, u Phasmon Dkhar, MDC wa u Brightstar Chyrmang, MDC kam kiwa chah khut sñiawbha.

Yei naam Man of the Match da yoh u Zire Ngamlai na ka United Biate, yei naam Goalkeeper of the Tournament da yoh u Roomy Malang uwa na ka Latyrke Sports Club katwa yei naam Player of the Tournament da yoh u Easter Lalremkima Thianglai uwa na ka United Biate.

Daw pynman leh ya ki Semi Final yong ka Super League ka SBSA ha ka 03-12-21 hapyrdi ka Narwan waka Jalaphet Bri Sumer katwa ha ka 04-12-21 ka Mulait United FC daw yachem ko ya ka Mochut Pyrdung SC.

Share this:
Previous

Jop ka PWD ya ka Water Resource ha ka Inter Office

Next

Da pynthymme yei dor phñiang charak ha West Jaiñtia Hills