Jowai: Ka 3rd Division Football Tournament wa pynman da ka WJDSA da poi ko cha wa kut ynne ka sngi da ka yalehke wa khaddooh hapyrdi ka Wahiajer waka Caroline Colony.
Ka Wahiajer da yoh ko ya i naam jop deiwa pynrem ya ka Caroline da 2-0.
Ha ka kylla step ka Wahiajer da yoh ko ki kattu katni ki laad wow thap kool tangwa ym ye ko u pynkylla kool ki hadooh wa kut ka kylla step.
Ha ka kylla miet won, u Nikky Pakma da pynjop u ya ka Wahiajer da ki artylli ki kool wa thap u ha ka minit wa 49 wa 65.
U Nikky da yoh u leh yei naam Man of the Match, u Heimonmi Dkhar da yoh u yei naam Top Scorer wa Player of the Tournament pyn-ar naka Wahiajer.
U Pynche Lamare naka Caroline Colony won da yoh u yei naam Best Goal Keeper.
Discussion about this post