Ha ka thong wow pyndooh jait yei em ki bru wa pynemkaam yow sikret, duma wa kiwi kiwi ki jait baam wa chna na u duma. Ka State Tobacco Control Cell, Meghalaya chirrup i yakrehlang ka chnat krehkaam i puræ puthi waka Samband Health Foundation da kreh chitom bha ki hapoh ka jylla wow pynman ki yalang waphær, wa kyrpang neibynta ki skur wei ha kini ki bnai da dep da yoo wa ki skur kamjooh ki khynnah da boonkam bha ki wow pyndep ya ki 11 tylli ki mat yong ka Tobacco Free Education Institution (ToFEI), kiwa man chibynta ka laad ka luti wow e wyrta chula ya ki paidbah wa chong chnong wym hoi u pynemkaam yow duma hapoh ki soodong sookun yong ki thaw purae næ ki skur wei ymchah leh u em ki dukan wa dai sikret hei jngai wa 100 Meter na ki thaw puræ.
Chooh chooh kam chibynta won ka sngi kyrpang wa ong World No Tobacco Day 2022 da pynman leh ka yakob lai uiñ surok wa tip kam ka “Rally Against Tobacco” waka “Signature Campaign” haka phang wa ong “Tobacco Vs. Environment” kawa da sdang nadooh ka 14 Naitung 2022 wei da pynkut wan ya ka haka 20 tarik Naisan 2022.
Katkam i bichaar bniah ki bor watoh u pait u pynlai ya ka ToFEI Programme kamjooh ya ka World No Tobacco Day Programme hapoh ka jylla da pynbna ha ka sngi leh burom yaka World No Tobacco Day ha Shillong State Convention Hall heiwa ka West Jaiñtia Hills District man ko kawi na ki District wa boon dooh ki skur wa ya chimbynta ha ka ToFEI Programme kamjooh haka World No Tobacco Day Programme 2022.
Ya kani ka sngi dawan sakhilang da u D.P. Wahlang, IAS Addl. Chief Secretary kam u kongsan hei emlang u Ram Kumar S, IAS Additional Secretary, Health & Family Welfare Department & Mission Director Health Mission, Meghalaya, Dr. H. Lyndem Director of Health Services (MCH&FW) & Jt. MD-NHM, Dr. Lana E Lyngdoh Nongbri, Sr. Dental Surgeon, SNO National Tobacco Control Programme (NTCP) wa kiwi kiwi kiwa chah khut sñiawbha.
Kiwi ki Block na Ri-loom Jaintia kiwa da yoh ya ka World No Tobacco Day Award toh ka Amlarem waka Khliehriat Block.
