Shillong: Ki pulit ka sor Shillong ynne ka Sngi Choh-that da rah ki ya ki 7 ngut ki bru na ka thaaiñ Nongmensong wow takit hajrong i suba wa emkti ki ha i chah pakhot Petrol Bomb ka yungkrehkaam yong ka Meghalaya Public Service Commission (MPSC).
Ha ini i rah ya kini ki bru toh wow takit ya ki wei ki pulit da khyrrup ki leh ya ka kari wa da suba wa pynemkaam wow leh ya ini i kaam.
Katkam ka khubor wa da yoh da ong wa kitai ki bru kiwa leh yeini i kaam toh wa em wa da e poisa ya ki wow leh ki yeini.
Hawa yaklam wa u SP (City) u S Rynjah da ong u wa man i iwa sakhiat wa da kem ya ki kattu katni ngut tangwa da kyntait u wow khana bniah kat iwa em neibhah i takit dang lai i chakhmat.
Ye wow pynkynmoo heini wa ha ka 10 tarik uni u bnai, ki bru kiwa ym tipmit da pakhot Petrol Bomb ki ha kani ka yung krehkaam iwa da wanrah yei dooh wa khroo khamtam ki kot wa emkaam, ka kor Computer wa kiwi kiwi ha i kamra ka Secretary.
Hajrong ini neiliang ka Commission da ujor ko leh ha ki bor pulit, wei neiliang ki pulit da thung ki da ka Special Investigating Team (SIT) wa da khlieh da u Superintendent of Police (City) u S Rynjah wow chem ya kiwa emkti ha ini i kaam.
Discussion about this post