Shillong: Ki yalehke ynne ka sngi ha ka Meghalaya Baby League man ko kawa chitom ya ki khynnah neidaw wa joor u slap ha ki yalehke ha madan Polo wei u slap ym em u ye u wow pyndooh mynsien ya ki khynnah kiwa da chimbynta chongchit ha waroh ki yalehke.
Da em ki yalehke wa jem chiliang wei em leh kiwa ya thaiñ bha wei da wan leh kiwa ha yung hasem ki khynnah wow pynyoh bor ya ki.
Ka Langsning Greenergy Lions pteiñ ko wow pynyoo yei bor yong ka ha ki yalehke pyrchah ya ka Little Star Clouded Leopards wei da yoh ko leh yei yaroh na ki heh ka Langsning FC kiwa da ong wa i jop ki ha ka kyrdan 4-5 snem wa 6-7 snem toh iwa yoobang bha.
Ka Greenergy Lions da jop ko arsien da 5-0 wa 2-0. Ka Clouded Leopards da mut ko wow jop wei wow yakhun wow ya Drawn tangwa ha ka kyrdan 8-9 snem ka Langsning Greenergy Lions da jop ko da 1-0.
Ha kiwi tawon ki yalehke ka 8-9 snem da kut ki da ki jooh ki kool 5-2, heiwa da jop ka JNS Jaguars ya ka Nongtrai Cheetah), ka Nongthymmai GC Scorpions da jop ko ya ka Sunnydale School Doves waka Touchline NE Cubs kawa da pynrem ya ka Wahlakhiat Bulls. Katwa ka Cheetahs, Doves waka Bulls leh da jop ki.
Ha kiwi tawon ki yalehke, ka Kickstart FCC Rhinos da pynrem ko ya ka Mawlatbah SC Hawks ha ki soo tylli ki yakhun.
Discussion about this post