December 3, 2022
Ka Lamin XI Sport & Culture Club haka 1 tarik waka 2 tarik uni u bnai da pynman ko ya ka lympung yalehbol kawa ar sngi ha madan Pynthor Pynding Lamin kam chibynta u pynmih yaka yarong poisa ka Club.
Ha kani ka lympung da wan chimbynta 16 tylli ki liang katwa yei naam jop da rah daka Pyrdiwah SC deiwa pynrem da 1-0 yaka Nonglamin FC.
Ka Pyrdiwah da yoh ko leh u rah deilang ka song poisa wa T. 70,000 katwa ka Nonglamin FC won T. 50,000.
Haka sngi pynkut ka 2 tarik da wan sakhi lang u Montri ka chnat Sports and Youth Affairs ka sorkar jylla, u Banteidor Lyngdoh hei emlang u Egenster Kurkalang (Advocate), u Stephanson Mukhim, MLA warim ka Amlarem, ki MDC ka JHADC wa kynthup ya u Saron Paswet, u Holando lamin, u Het Pohthmi, u Everest Langstang wa kiwi.
Hawa e yei klam, u Banteidor Lyngdoh da kular u wow pynyoh ka kor ah phlang neibynta u pynkhooid ya kani ka madan kamwa da paan ka Lamin XI Sport & Culture Club, katwa ya yung thaw chong riam chong ngiah kiwa yalehke won lada dang poi thong biang daw leh u ka.
