Rah naam ki khynroo khyllood ka ri-loom Jaiñtia ha ka State Level Cultural Competition

Shillong : Ka State Level Cultural Competition wa pynman da ka tnat Arts and Culture ka sorkar jylla da pynman ko ya ka ha ka 10 wa 11 tarik uni u bnai heiwa da em ka yakop Debate, Quiz, ki chaad tynre wa kiwi kiwi.

Ha ka 10 tarik da pynman ya ka yakop Quiz wa Debate katwa ha ka 11 tarik da pynman ya ki yakop chaad tynre wa kiwi kiwi.

Ki khynroo khyllood na West Jaiñtia Hills da chimbynta ki ha ka Group Song, Group Dance, Debate, Creative Writing, Folk Song Individual, Guitar Instrumental, Cartoon Drawing, Painting wa ka Quiz.

Ha ka Group Folk Song ka dhab wa kynthup ya u Eladmitre Dkhar, u Enforceme Lamin, u Bhaboklang Plain, U Dio Augustine Paslein wa u Saunipaya Plain da yoh ki ya ka 1^st Prize ha ka Khasi wa Jaiñtia Category.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Ha ka Group Dance Jaiñtia Category u Da-o-hi Mannar, ka Ibadala Sutong, u Marbduki Ksoo wa u Emi-uni Rymbai da yoh ki ya ka 1^st Prize.

Ha ka yakop Debate ka Bymonmiralda B. Lato da yoh ko ya ka 1^st Prize katwa ka Paiya Vanessa Lyngdoh da yoh ko ya ka 2^nd Prize.

Ha ka yakop Folk Song Individual Jaiñtia Category u Eladmitre Dkhar da yoh u ya ka 1^st Prize, u Enforceme Lamin da yoh u ya ka 2^nd Prize katwa u Dio Augustine Paslein won da yoh 3^rd Prize u.

Ha ka yakop tem Guitar Instrumental u Kenneth Anderson Iakai da yoh u ya ka 1^st Prize. Katwa ha ka yakop dro Cartoon u Kamwamang Dkhar da yoh u ya ka 2^nd Prize.

Kiwa mih khmat ya ka West Jaiñtia Hills District toh kiwa da jop ha ki yakop wa dep pynman kam chibynta ka National Voters Day.