Kam chibynta yong ka Azadi Ka Amrit Mahotsav, da pynman ya ka yakob phet namo ka Fit India Freedom Run 3.0 ha East Jaiñtia Hills District, Khliehriat da ka yung krehkaam ka District Sports Officer chirup wa ka yung krehkaam u Deputy Commissioner, East Jaiñtia Hills District.
Kani ka yakob toh neibynta ki chynrang wa ki kynthai heiwa da chimbynta da ki spah ngut ha ki kyrdan waphær waphær.
Ka District Sports Officer, ka Stephanie M. Rapsang da kaweh lama ko ya kani ka yakob Fit India Freedom Run 3.0 na ka yung krehkaam warim u Deputy Commissioner Office, Khliehriat wei da pynphet chadooh Rymbai PHC wei da uiñ biang cha i jooh hi i thaw yow pynkut.
Hadien ini da saam ya ki khusnaam cha kiwa jop heiwa ha ki chynrang da jop da u Kordor S. Mannar bood sa u Joseme Ryngkhlem hei wa ar katwa u Miki Pdein ha iwa le.
Ha ki kynthai won da jop ka Phyrnai Kyndait, bood sa ka Lamsuk Phawa hei wa ar, katwa ka Rosy Sana won da yoh ko hei wa le.
