Rah u Mewan Kitbok Plain wa ka Lumlang I Ka Bareh ha ka yakop Prince Ladthadlaboh wa ka Miss Ladthadlaboh 2017

Jowai: Kam chibynta i lehkmen i dap 75 snem ka Dorbar Chnong Ladthadlaboh, ha ka 21 tarik da pynman ya ka yakop bha chynrang, miat kynthai wa tip leh kam ka Miss & Prince Ladthadlaboh 2017.

Ha kani ka yakop da pynman le kylliang kiwa tip kam ki Traditional Round, ka Casual Round, ka Formal Round wei da pynkut da ka kylla wa khaddooh heiwa kiwa bichaar da yoh laad ki u pachat ya ki phang kylli cha kiwa wan chimbynta.

Neiliang ki kynthai da wan chimbynta 7 ngut katwa ki chynrang won da wan chimbynta 4 ngut.

Chwa wow pynbna ya kiwa jop da saam chwa ya ki kyrdan Miss Beautiful Hair wa jop ka Manhakani Phawa, ka Miss Ramp Walk wa jop ka Charity Lhuid, ka Miss Fashion Icon wa jop ka Lumlang I Ka Bareh, ka Miss Beautiful Smile wa jop ka Baiamonlang Papeng wa ka Miss Photogenic wa rah ka Neiniwanroi Wann.

Related posts

Da pynlait paidbah ya ka phlim tbian wa pyrtuid Ummat Jingieid

June 12, 2026

Jop uwa na Mookyrdup ya ka Rs. 1 lak ka Lucky Draw ka Moosalyngkat

May 31, 2026

Yei naam Prince Ladthadlaboh 2017 da rah u Mewan Kitbok Plain, wa ar da yoh u Dachngainlang  Lyngdoh wei wa le da yoh u Dakermiki Lhuid.

Yei naam Miss Ladthadlaboh 2017 won da rah ka Lumlang I Ka Bareh, wa ar da yoh ka Charity Lhuid, wa le da yoh ka Neiniwanroi Wann.

Kiwa bichaar ha kani ka yakop bha chynrang wei miat kynthai toh u Riquoma Rq. Laloo, u Mathew Shullai, ka Liza Rymbai, waka Nira Passah.