15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Rahnaam ki ar ngut na Ri-loom Jaiñtia ya ka NEHU ha ka lympung Kickboxing ki skurbah

0 Comments
Advertisement ad1
Advertisement ad1
Advertisement ad1

Ka All India Inter University Kickboxing Tournament (Men) 2019-2020 da pynman ya ka ha VBPS University ha Jaunpur, Uttar Pradesh nadooh ka 14 hadoh 18 tarik uni u bnai.

Ha kani ka lympung yakob yalehke Kickboxing ki khynnah puræ ki skurbah (University), neiliang ka NEHU dalai chimbynta da ki 5 ngut hapoh ka lama NEHU Kickboxing Team 2020.

Ya kini ki 5 ngut da yahkhmat da u Team Manager, u Manbhalang Kharkamni.

Ha kani ka lympung ka NEHU da yoh ko ya ar tylli ki takma tama wei kini ki ar tylli toh kiwa da yoh da ki ar ngut na Ri-loom Jaiñtia ha ki ar tylli ki kyrdan yalehke.

U Hame Shaniah Suiam na ka Khad Ar Dolloi Law College Jowai da yoh u ya ka takma tama ha ka kyrdan Point Fighting Men -57 Kg katwa u Ioonis Mynsong won na Kiang Nangbah Government College won da yoh u ya ka takma tama ha ka kyrdan Kick Light Men -69 kg. 

Kiwi de kiwa mihkhmat yaka NEHU toh u Badondorlang Nongrang na Tirot Sing Memorial College, u Lamphrang Kharsohnoh na Shillong College wa u Sparkle Ryngkhang na Seng Khasi College.

Share this:
Previous

Wan hiar u National Organising Secretary ka ABVP cha Meghalaya

Next

Sdang pynkrehkaam ka Indian Air Force ya ki Chinnook ha ki thaw wa jrong ki loom