Ynne ka sngi ka MBOSE da pynmih ko ya ka Result yong ka SSLC 2021 heiwa uwi na ki khynroo na Ri-loom Jaiñtia, u Wanteibok Pator na ka Sawlyngdoh Higher Secondary School, Mowkaiaw da yoh u ya i kyrdan 2nd Position ha kani ka Result.
U Wanteibok Pator toh u khon ka Bari Pator kawa man leh kawa sikai ha kani hi ka skur.
U Wanteibok da yoh Distinction u ha waroh 6 tylli ki Subject deiwa yoh Highest Marks ha ka Mathematics wei ki Total Marks yong oo da poi ki 575 Marks heiwa uwa yoh 1st Position da yoh u 576 Marks.
Hawa yaklam wa u Wanteibok da ong u wa da sñiawngooh wei da ekhublei u ya ka bei wa u pa yong oo, ki lok ki jor wa kiwa sikai kiwa da yarap wei embynta wa oo wow poi u ha kani ka kyrdan.
Da booh thong u wa manda lai puræ wa chakhmat wow pyndep ya ka Business Management.
Ya i yaklam u Wyrta wa u Wanteibok ye phi u pait heini hawah:
