Kiwa sikai skur Adhoc hapoh ka satri yong ka Federation of All School Teachers of Meghalaya (FASTOM), da rai ki wow uiñ biang cha ki skur wow sikai, hadien wa yachem ki ya u Montri Rangbah ka jylla, u Conrad K Sangma uwa da paan por kamwa chi bnai wow leh yeiwa emkaam neibynta i dawa kiwa sikai.
Ynnin ka sngi neiliang kiwa sikai skur Adhoc da pynbna yakhih ki iwa khlem booh por nadooh myntu ka sngi 12 tarik, heiwa da sakhi leh ya i wanpoi kiwa sikai da ki spah ngut kiwa da kær talawiar ya ka Secretariat ryngkat i sonteri ki pulit.
Hadien ini, kiwa sikai da maham ki wow sahmiet lada ka sorkar ym e ko yei dawa yong ki, neiliang u Additional Chief Secretary uwa pait leh ya ka chnat puræ puthi da khut yaklam u ya kiwa yahkhmat wei hadien da lai yah u ya ki wow yachem u Montri Rangbah.
