theme-sticky-logo-alt
theme-logo-alt

Ym emkaam CUET ha ki College wa tipmit daka NEHU

U Montri ka sorkar pyrdi wa pait ya ka chnat puræ puthi, u Dharmendra Pradhan da thoh u cha u Montri Rangbah ka jylla, u Conrad Sangma wa ki College wa da tipmit da ka NEHU ym emkaam ki wow chim da ka CUET hawa thap khynnah namo ka Admission wei ye ki wow pteiñ kamjooh hi.

Ya ini da leh hadien wa u Conrad da dep u wow yachem wa u Dharmendra ha Delhi yow kyrpaad ya oo wow pynlait ya ka jylla naka CUET neidaw wa chem chitom ki khynnah wa hap lai luti jngai ki, i wym biang ki thaw thoh Exam, i wym biang ka Internet wa kiwi kiwi de.

Ini i pynlait toh neibynta u snem puræ 2022-23 donhi.

Kam wow pynkynmoo wa kani ka Common University Entrance Test (CUET) toh kawa da wanrah nyngkong neibynta uni u snem puræ 2022-23 neibynta kiwa da pyndep Class XII kiwa lai puræ Under Graduate (UG) ha waroh ki Central University heiwa daw jied ya ki katkam wa yoh ki ha kani ka CUET.

Kiwa yaleh ya ka CUET ye ki wow lai thooh thaw puræ ha kiwon kiwon ki University wa kwah ki deiwa pynemkaam du kawi donhi ka Form hawa lai palat ka wi ka University.

Kani ka CUET toh kawa da pynkhreh ha 13 tylli ki jait ktien wei ya ka Exam da pynman da ka National Testing Agency heiwa ka Exam toh ka Computer Based Test (CBT).

Share this:
Previous

Rai ka FASTOM wow uiñ biang cha skur hadien wa kular u MR wow leh yeiwa emkaam

Next

Da toh u khut da u MR ka Manipur wow man MR ha Meghalaya chi sngi: VGK Kynta