Ka yung kasari Special Judge (POCSO) East Jaiñtia Hills District da pynmih hukum ko ha ka 19 tarik uni u bnai wow pynchitom ya uwi u bru wa tip pyrtuid kam u Ganesh Sutnga wow kset patok ya oo 3 snem deiwa khor (Rigorous Imprisonment).
Ya kani ka hukum da pynmih heiyatoh wa ka mukotduma Khliehriat P.S Case No 54 (3) 14 U/S 354 IPC R/W Sec 8 POCSO Act.
Kam wow pynkynmoo heini u Ganesh da thmu u wow slaitbor ya kawi ka khynnah kawa dang 14 snem i rta ha iwi i chnong ha East Jaiñtia Hills ha ka 15 Wisu 2014 wei manda kiad wei kbai yarap ko da wan ki bor chnong wow yarap ya ka wei da ekti noh ya oo cha ki bor pulit wow leh yeiwa emkaam.
