Ynne ka sngi, ka Executive Committee yong ka Khasi Hills Autonomous District Council (KHADC) da rai ko wa ya ka ‘Heritage Village’ kawa em ha chnong Mawphlang, East Khasi Hills, daw e wai noh ya ka cha ki bru samen.
Heiyatoh wa ini, neiliang u Chief Executive Member (CEM), u Titosstarwell Chyne da ong u wa ka Council da pynlut ko ko da ki boon klur tyngka wow booh ya kani ka Heritage Village tangwa ymye ko wow poi ha i thong kamwa da thmu hanla em ki soskular hapyrdi ka Hima Mawphlang wa ka KHADC wow pynlai ya ini i thaw.
Da ong u leh wa ka Special Committee wa kynthup ya ka KHADC wa ka Hima Mawphlang da rai ko wow e wai noh ya ini i thaw cha ki bru samen neibynta wow sumaar wei wow pynman ya i thaw kam i thaw uiñke suwari.
Heijooh i por da ong u wa ka Committee da e yumut ko leh wa na ka poisa wa mih wow ewai ya ini i thaw, kamwa 60% u lai i cha ka Council wei 40% won cha ka Hima.
