U Chief Executive Member ka Khasi Hills Autonomous District Council (KHADC), u Titsostarwell Chyne ynne ka sngi da ong u wa ka Council daw wanrah ko ya i pynkylla ya ka Khasi Hills Autonomous District (Administration of Elaka), hei wow pynkhlan ya i rukom bichaar hajrong i kajia hapyrdi ki Hima namo ki chnong ki thaw.
Da ong u wa lada em iwon iwon i kajia hapyrdi ki ar liang, ym lai de i cha u EM wow pait yeini, tangwa emkaam wow rah ha kiwa bichaar wow pynbait yeini wei da rai leh wa heiyatoh wa i kajia thaw daw thung noh da u Magistrate.
Heijooh i por neiliang u CEM da ong u wa ka Council da chim ko ya i rai wow pynkhlan chooh chooh ya ka KHADC heiwa daw thung ya uwi uwa bichaar namo Additional Judge wa 2 ngut ki Magistrate wow pynkrehkaam noh ya ki yung kasari ha Nongstoiñ, Mawkyrwat wa Nongpoh.
Da ong u leh wa ki mukotduma hapyrdi ki bru kiwa man para ri-loom daw rah bait ha ka Kasari ka Council, wei toh na ini i daw wa ka Council sñiaw emkaam ko ko wow pynkhlan ya i rukom bichaar khamtam ha ki thaw palatsor.