Jowai: Ka North East Forum for Indigenous People (NEFIP) ka kynhun synrop yong boon tylli ki seiñbhalang kiwa em haka thaaiñ mihsngi wei yaka jylla Meghalaya da mihkhmat da ka CoMSO, da pynman ki yaka Federal Assembly wa nyngkong dooh ha Aizawl, Mizoram ha ka 5 wa 6 tarik uni u bnai.
Ha kani ka yalang da pdiang ya ka riti krehkaam ka NEFIP (NEFIP Charter) wei da jied leh ya kiwa kitkaam wa pura yong ka. Katkam ka riti pynlai kaam, ka NEFIP daw em ko yaka Federal Assembly ka wow man ka dorbar wow chim ya ki rai wa kongsan wei da pynkrehkaam ya kitai ki rai da ka Central Executive Council. Ha ka Federal Assembly daw em u Speaker, Dy. Speaker wa u Assembly Secretary. Da jied ya u Lalruatiana Fanai na Mizoram kam u Speaker, u Jones Ingti Kathar (Rtd. IAS) kam u Dy. Speaker na Assam wa u Peter Twiprasa na Tripura kam u Assembly Secretary.
U Ningthouja Lancha na Manipur da chah jied u kam u President wa u Robertjune Kharjahrin na Meghalaya daw man u kam u Secretary General ka NEFIP, ki wow man kam kiwa yahkhmat wa hakhlieh dooh ka NEFIP. Daw em 7 ngut ki Vice President wa uwi na kawi ka State wei na Meghalaya da jied leh ya u Nickman Ch Marak kam u Vice President wa ya u Bandari Ryntathiang kam u Secretary Finance.
Ha kani ka yalang, da rai biang wow pyrchah dohyap ya ka Citizenship Amendment Bill, ka NEFIP daw kyrchaan ko ya ki jylla wa dawa ILP wa NRC, da rai leh wow chimkhia wow dawa wa toh u pynkrehkaam noh ya ka UNDRIP, ka NEFIP da pynsñiaw ko leh ya i kyrchaan ya ka Mizoram Registration of Household Bill kawa man ka Aiñ wow yada ya i yoh mantre chnong ki poiwiar ha Mizoram kawa katni u Governor ka Mizoram dang booh teiñ u wow e yaka mynjur.
Discussion about this post