theme-sticky-logo-alt
theme-logo-alt
Advertisement ad1

Rai ka sorkar Assam wow thung kreh ya kiwa yoh takma ha ki lympung yalehke Sports

Kam chibynta wa man ka lympung yalehke Olympics ha Tokyo, Japan wei wow pynchlur ya ki khloor yalehke Sports, ynne ka sngi ka dhab ki montri ka sorkar jylla Assam namo ka Cabinet da chim ko ya ki kattu katni ki rai wow pynchlur ya ki khon ka jylla wow wan ki chaphrang ha ki kaam yalehke Sports wa ha rukom. 

Neiliang u montri rangbah ka Assam, u Himanta Biswa Sarma da pyntip u wa da rai wow pynku ya ka bai baam tymmen namo ka Pension wa man-u-bnai neibynta kiwa yalehke Sports namo ka Sports Pension na ka T. 8000 cha ka T. 10,000 chi bnai.

Da rai wa waroh kiwa yoh takma ha ki lympung Commonwealth Games wa ka National Games u yoh ki ya kani ka bai baam tymmen (Sports Pension). 

U Himanta da pyntip u leh wa waroh kiwa yoh takma ha ki lympung yalehke kam ka Olympic, Commonwealth wa Asian Games u thung kreh ya ki ha i kyrdan Class I.

Ya kiwa yoh takma ha ki lympung wa tipmit kam ki World Championship u thung kreh ya ki ha ki kyrdan Class II wei kiwa yoh takma ha ki lympung National Games u thung kreh ya ki ha ki kyrdan Class III.

Share this:
Previous

Mynjur ka sorkar wow pait biang sa chisien yei rukom phah ya ka poisa yarap cha kiwa mylla

Next

Khlaad syndet ka kong Sloly Chyrmang