Shillong: Ka sorkar jylla ynne ka sngi da mynjur ko yaka Draft Motor Accident Tribunal Procedures, wei ini man ko katkam i phah yong ka Supreme Court wei u krehkaam ko syndon hapoh ka jylla.
U Symbood Montri Rangbah ka jylla, u Prestone Tynsong da pyntip u wa ka sorkar da chim ko ya kani ka rai yow pynbait leh ya i eh hawa yachem manda jia wa em i ya tyrrah kari neibhah wa ha kiwa boon hi da jooh leh lyngba ki Insurance Company, tangwa em leh kiwa jia ya tyrrah kari wa da poi chadooh ka Kachari wow pynbait næ wow yoh yaka bai lutsan, wei na i bynta wow pynbait ya kam kini ki eh, ka Supreme Court da phah ko wow bichaar bait ha ka Tribunal neibhah ym yahap wow rah ya kini ki kaam chadooh Kachari.
Da ong u wa kani ka Tribunal daw em ko ki kyndon krehkaam wa ye u rai wa khaddooh hadien wa da dep bichaar na waroh arliang.
