Shillong: Hadien ar bnai wa da pynkrehkaam ya ka synchaar Administrator nadooh ka 5 Naitung ha ka Garo Hills Autonomous District Council (GHADC), ka sorkar jylla ynne ka sngi ka da rai ko wow pyndam noh ya ka wow elaad wow chna biang ya ka Executive Committee kawa thymme.
Ya ka synchaar Administrator Rule ha GHADC da pynkrehkaam hadien wa mih ka awri awra hadooh wa da poi u pood wa ka EC wa yahkhmat da ka NPP u piah noh ko hadien wa ieh kaam u Denang T Sangma kam u CEM. Hadien ini ka GHADC ym ye de ko u pynmih ya ka mang poisa yong ka wei da pynkrehkaam noh da ka synchaar Administrator.
Hawa yaklam wa kiwa pathai khubor hadien ka yalang wa ki montri, u Dr. Mukul hadien wa bichaar bniah da rai wow pyndam noh ya i synchaar Administrator wei daw thoh noh ko cha u lat yow khut noh ya ka dorbar ka GHADC yow jied noh ki ya uwa yahkhmat wa thymme.
Da khana u wa ka sngi wow pynman dorbar ympu ye u pyntikna tangwa daw kyntu u ya lat wow khut smat ya kani ka dorbar.
Also Read: Iehkaam noh u Denang T. Sangma kam u CEM ka GHADC
Discussion about this post