Shillong: Ka yalang ka dhab ki montri ynne ka sngi da mynjur ki wow pynkrehkaam yei su tulop thymme cha kiwa sikai ha ki skur Deficit ha ka jylla wei kani u krehkaam ko nadooh u bnai wow wan.
Hawa klam wa kiwa pathai khubor ynnne ka sngi hadien wa kut ka yalang ki montri, u montri ka tnat puræ puthi u Lahkmen Rymbui da ong u wa ka sorkar da pdiang ko wow pynkrehkaam ya ka 5th Pay Commission cha kiwa sikai ha ki skur Deficit ha ka jylla nadooh u bnai wow wan.
U montri da ong u wa neibynta kani, ka sorkar daw haap pynlut poisa chooh ko sa T. 84 klur man u snem katwa ya ka Arrear kawa da kynjoh hadooh ka T.126 klur hadooh uni u bnai daw su ha ki soo bynta uni u snem da chipawa (25%) chi bhah.
Da em waroh 6686 ngut ki wow yoh pdiang ya ka tulop thymme ha ka jylla kiwa kynthup nadooh ki Lower Primary, Upper Primary, Secondary, Higher Secondary wa ki College leh.
Katkam wa ong u montri lait noh ki Primary wa Upper Primary, da em 121 tylli ki skur Secondary wa kynthup ya 1981 ngut kiwa sikai, 382 ngut ki wakreh, ki Higher Secondary da em ki 17 tylli katwa kiwa sikai da em ki 129 ngut wei kiwa kreh won da em 57 ngut.
I rukom yabah ya ka Secondary Deficit Pattern toh 9 tylli ki skur, 85 ngut kiwa sikai wa 17 ngut kiwa kreh katwa ha ki College won em ki 15 tylli heiwa da em 36 ngut kiwa sikai wa 245 ki wakreh.
Discussion about this post