15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yachem ki heh ka ADB wa kiwa khayi na Japan wa u Conrad dei thmu wow wailad ya ki khynroo u yoh kreh ha Japan

0 Comments
Advertisement ad1

Shillong: U montri rangbah ka jylla, u Conrad K. Sangma ynne ka sngi da yachem u ya ki sahep yong ka Asian Development Bank (ADB) wow yakrehlang wa ki skurbah namo ki Universities & Institutes wei wow sdang wow esikai ya ka ktien Japanese neibynta ki khynroo khyllood ka jylla, kawa ye kylla won wow yarap e kreh ya ki.

Hawa yaklam wa kiwa khayi (Business Delegation) na Japan, wa yah da ka ADB, u Conrad da klam u hajrong ki laad ki luti wow ebor ya ki khynroo na ka jylla heiwa kini kiwa khayi da pachat ki wow sdang ya ka thaw esikai neibynta ki khynroo khyllood wow ye ki u yoh kreh ha Japan.

Advertisement ad1

Neiliang u Additional Chief Secretary ka jylla, u M.S. Rao da ong u wa ka sorkar jylla thrang ko wow sdang ya ka project wow esikai ya ki 30,000 ngut ki khynroo khyllood khnang wow ye ki u yoh kreh cha baar ri.

“Ka rukom im wa i man i long ki bru yong ka jylla ye ki wow yohmyntoi ha ri Japan, wow kyntu kynrong ya i yoh khih yoh kreh yong ki,” da ong u Conrad deiwa kular wow e kyrchaan ya iwon iwon i thmu khnang wow ye yoh kreh ki khynroo na jylla cha baar ri.

Da kyntu u leh wa ka sorkar bien ko wow yakrehlang wow kyntu ya ka kaam rep, i thung soh, i song baam, ki kaam uiñke suwari wa i chait i khiah.

Ya ka Asian Development Bank (ADB) da yahkhmat da u Vikram Harsha Annamraju, Yoshinobu Tatewaki, Fook Yen Chong katwa ya ka seiñ kiwa khayi ka Japan da yahkhmat da u Naohito Sugiura na ka Cooperative Association Tokyo Cooperation Business Centre, Senga Yoshihiko, Ooyakensetsu.

Share this:
Previous

Rai ka sorkar wow pynku tulop ya kiwa sikai ha ki skur Deficit hapoh ka jylla

Next

Yachem u tre yong ka Ecocraft ya u Conrad wow pynyoo ya ki mar wa chna ko da ki kot warim