Ka Khasi Students’ Union – Laban Circle da khut yalang ko ya 8 tylli ki Dorbar Chnong kawa da pynman ha Karbi House, Laban yow yaklam yei em ki bru wa yut chnong kiwa da wan buhai hapoh ka chnong wei kammon wow chim ki laad yada neiliang ki bor chnong.
Ha kani la yalang da wan wow chimbynta da ki waheh chonng, Secretary chnong wa ki Executive Member yong ki chnong waphær waphær kam ka Dorbar Chnong Madan & Riat Laban, Dorbar Chnong Laban, Dorbar Chnong Lawsohtun, Dorbar Chnong Upper Lumparing, Dorbar Chnong Lower Lumparing, Dorbar Chnong K.O.R, Dorbar Chnong Kynjat Phutbot wa Dorbar Chnong Lumshatsngi heiwa da emlang leh ki pulit ka Laban Police Station wa Rilbong Beat House.
Hadien wa wai ka yalang da chim rai wym chah de ya kiwon kiwon lait noh ki bru napoh ka Bri U Ynňiawtrep wow yoh yung wai ha kini ki 8 tylli ki Dorbar Chnong khlem da yoh bor na ka chnong wei ini kynthup i leh ya kiwa kreh wa kiwa chong wa sah hapoh ki Guest House wa ki dukan waphær waphær wei kamjooh leh ya kiwa mylla wa wan na baar jylla kiwa wan kreh wei sah ha ki thaw kreh yong ki.
Ki tre yung, tre dukan, tre Guest House, Contractor toh u bood ki thij ya ka adong chnong hajrong kani ka bynta wei lada em kiwon kiwon ki tre yung kiwa tyngkheiñ yeini, u pynchitom ki katkam i rai yong ka dorbar wei lada emkaam, ka chnong ye ko leh wow pyntip cha ka seiñ næ ki chnat pulit yow leh yeiwa emkaam.
Da emkaam leh wow pynsakhiat ya ki kot ki sla khnang yow tip kiwon kiwa chong chnong wa pura wei kiwon kiwa wan buhai chnong pyrchah aiñ deiwa kyntait ya kitu ki wym em EPIC na Meghalaya.
Lada chem ya kiwa sah pyrchah aiñ hapoh ka chnong, neiliang ki bor chnong toh u pynmih ki ki wei lada emkaam ye leh wow pyntip cha ka seiñ wa cha ki pulit yow leh yeiwa emkaam.
Discussion about this post