Ka sorkar Meghalaya lyngba ka Meghalaya State Skill Development Society (MSSDS) da soi ko ya ka soskular Memorandum of Understanding (MoU) wa ka Asean One Co. Ltd., Japan ha Tokyo ha ka 5 tarik iwa da jia hadien wa lai u Montri Rangbah ka jylla cha Japan ha u April 2025, heiwa da yaklam neibynta wow yoh kreh ki khynroo khyllood ka Meghalaya ha kani ka ri.
Kani ka soskular toh yow yarap wai luti ha ki kaam wa yatoh wa i e sumaar sukhær, ki kaam wa yatoh wa i e yarap ha ki thaw sah, ki kaam wa yatoh wa ka IT deilang wa kiwi de ki jait kaam wa emkaam ha Japan deiwa e sikai leh yow tip u klam Japanese kamjooh yow pynsñiawthooh ya ka riti dustur wa i rukom im ki bru ha Japan.
Deiwa leh kamni daw pynsuk ko ya kiwa na Meghalaya wow yoh kreh ki cha baar ri wei daw sdang chwa nyngkong da 500 ngut ha u snem wa nyngkong wei ha ki san snem won da booh thong wow phah 5,000 ngut.
Hawa e yei klam ha ka Indian Embassy wa em ha Tokyo, u Shakliar Warjri uwa pait ya ka chnat Labour Employment & Skill Development da ong u wa kani ka MoU toh ka dwar yow ye ki khynroo ka Meghalaya wow yoh kreh cha baar ri deiwa pynyatoh lok leh ya ka Meghalaya wa Japan.
Ya ka Asean One Japan da yahkhmat da u Chairman wa CEO, u Toshiaki Nishikawa uwa da emkti wow pynbiang bru wakreh hapyrdi ka India wa Japan. Ini wa dep, u Nishikawa da yachem u leh wa u Prime Minister Narendra Modi ha ka 15th India–Japan Annual Summit wa da pynman ha Tokyo on ha ka 29 wa 30 tarik u August 2025.
Discussion about this post