Rai ki dkhot wa kiwa kitkaam ka NBCC wow mih na ka Congress wei wow dam noh u kyrchaan ya ki kyrtong yong ka

Jowai: Kiwa yahkhmat kamjooh kiwa kyrchaan ya ka Congress Party nadooh u B. Pohsna u President warim wa u D. Phawa Secretary warim ka Block Congress Committee da sniawphylla ki u yoo ya ka khubor wa ka MPCC da pyndooh ki ya ka Nartiang Block Congress Committee khlem da em ka sñiawthooh yumut namo ka syllok wa kiwa yahkhmat ka tai ka BCC.

Ini i leh wym kheiñ bru kheiñ kor de ya kiwa kreh chongchit ya ka Congress Party ha kani ka Constituency kiwa dang pyrchang wow pynkhlan ya ka Party da pyntip ki wa ha ka yalang wa pynman kawa wan chimbynta na waroh ki Primary Unit, ki Polling Booth wa ki chnong wa haap hapoh kani ka Block da chim ki ya ka rai wow ieh noh yei man dkhot wa pura na ka Congress Party.

U President warim wa u Secretary warim da ong ki wa ym sñiawbang de ki u emlang wa kam kani ka Party ka wym tip u burom ya kiwa para wa kreh ka party wei ka MPCC kopsar joor i chit khlieh da pyndooh ki la 6 tylli ki Block Congress Committee wa kynthup ya ka Nartiang BCC.

Waroh chi kattu kiwa kreh ka Congress Party burom ki ya ka Party neibhah man ko kawa ryntih tangwa kamwa man kattæ man ko ka party wei em yurim wei da dooh ko yei chaniah ki paidbah wei ye ko leh wow wiar pyrtuid napoh ka jylla kamtæ da kyntu ya kiwa paan ticket MLA na ka Congress wow man ki kiwa husiar neibhah kani ka party ym kheiñ kor ko ya kiwa kreh party wei ye phi u chah beh seiñ heiwon heiwon i por manda chit khlieh ka MPCC.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hei yatoh wa u MLA kani ka thaiñ u Sniawbhalang Dhar uwa da jop la arsien na ka Party Congress da mih na kiwa boon wa kyrchaan Congress wa ym kyrchaan de ya uwon uwon u kyrtong wa pynyieñ da ka Congress wat ya u Sniawbhalang Dhar lada yieñ hi u na ka Congress.

Kani toh katkam ka khubor na u B. Pohshna wa u D. Phawa.