15 49.0138 8.38624 1 0 4000 1 https://wyrta.com 300 0
Advertisement ad1

Wan hiar ka National President ka Youth Wing ka NPP cha Jowai wow ap yei eh i khoo ki paidbah

0 Comments
Advertisement ad1
Advertisement ad1

Jowai: Ka National President ka tnat khynroo khyllood ka seiñ National People’s Party (NPP) ka Ratika Yumnam ynne ka sngi da wan ko ha Jowai wow phyllu yumut hei yatoh wa i eh i khoo ki khynro khyllood wei kammon u yakhun yow ye u pyndooh ya i eh wa ktah ya ka imlang sahlang.

Ya kani ka yachem da pyman ha yung ka Phidalia Toi ha Newhill, wei da pyllai ya ka da u District President ki khynroo khyllood ka Ri-loom Jaiñtia u J.K. Kyndiah, hei wan emlang u State President u Nickey Nongkhlaw, u State General Secretary Pynshngain Syiem, ki dkhot ka NPP na Ri-loom Jaiñtia kam u Philemon Lyngdoh, Gilbert Sten wa kiwi kiwi.

U District President ka Ri-loom Jaiñtia u Octomewot Lamin hawa klam da ong u, kam kiwa yahkhmat ka party ha Ri-loom Jaiñtia katwon man iwa sñiawkmen hadien wada yoh yutip lyngba ki khubor waka seiñ da yoh ko yaka National President ka wow pait yei eh i khoo ki khynroo khyllood kamtæ yoluti u wa lyngba i em yong ka daw ye u wanrah i kylla ha ka imlang sahlang, neibhah lada yaklam chaphang ka kaam saiñ hima niar ki khynroo khylood wa em bynta i daw hi toh wa boonsien yaki khynroo khyllood jooh pynemkaam heh ya ki heipor yakhun election katwa hadien wada kut ka election ki leh da kut hi.

Ka Ratika Yumnam da khana ko wa da wan ko ha Shillong nadooh 11 Naisaphra neibynta u yachem wa kiwa yahkhmat ka seiñ wei ye ko u liwan hadien wa kut u Naikhynde, neibhah dang pynkhreh ko u lai yachem wa kiwa boon haka Jylla. Wei da ong ko i daw wa poi ko ha Ri-loom Jaiñtia toh wa yoh yutip ko rap boon bha ki dhab yong ki khynroo khyllood ha kani thaiñ.

Neitæ da ong ko ki khynroo khyllood toh kitæ ki chrot yong ka mynried mankawi neitæ i daw toh u kreh chitom bha hei yatoh u pynku yaka Ri, ka jaitbru wa ka imlang sahlang. Da ong ko leh wa kam ki bru yong ka thaiñ North East em i chiboon i man kyrpang haka imlang sahlang nadooh i rukom ya burom ya kiwa heh wasian wei yooluti ko wa ki khynroo khyllood ka Ri-loom Jaiñtia u chim khia ki yei wa pynyoo pynkdaw, i sneiñ i kroo kiwa heh wasian u yakrehlang ki chirup neibynta u wanrah i jop haka election.

Da ong ko lada ka seiñ wan ko heibor daw yakhun ko ya chiboon i eh wa ki khynro khyllood ka thaiñ Northeast chem ki, khamtam hei puræ puthi, neibhah boonsien hi du kat ki kynja training wow pynpliah yei sap leh haap ki u lai cha Delhi, Bangalore wei manda dep leh ye u kreh du kat cha ki tai ki thaw donhi, ym yoh ki cha ki thaw yong i hi.

Da ban chooh chooh ko wa hei sakhiat yaki Skill Devopment i puræ puthi toh u yoh katkam i emkaam i, neibhah kam ki Northeast man kyrpang ki hei yatoh i rukom khih rukom khan, ki rukom man ki thaw, ki soodong sookun kamtæ toh u yoh ki jait sikai, i jait kreh leh katkam i rukom man ki thaw haki thaiñ yong i hi.

Kiwi won wa klam kynthup ki u State President u  Nickey Nongkhlaw, ka Phidalia Toi wa kiwi kiwi.

Advertisement ad1

0 Comments

Leave a Reply