Kiwa kreh Nurse ha North Eastern Indira Gandhi Regional Institute of Health & Medical Sciences hapoh ka lama ka NEIGRIHMS Nurses Association (NNA) ynne da rai ki wow sangeh chwa yei yakhih chim chuti yonglang namo ka Mass Casual Leave.
Kam wow pynkynmoo wa ki Nurse da rai ki wow pynman ya ini i yakhih ha ka 9 tarik uni u bnai wow ban ya ki bor pynlai ka NEIGRIHMS yow pynkrehkaam ya ki mat dawa yong ka.
Ka NNA da ong ko wa ki bor pynlai ka NEIGRIHMS da paan por ki chi tayaaw wow yaklam ya ki mat dawa wa ka Ministry of Health and Family Welfare (MoHFW) chwa i yaklam wa ka yalang Governing Council ka NEIGRIHMS.
Chooh chooh da ong wa i pynsangeh toh wow e laad wow em i yaklam wei da klam che leh wa ki mat dawa yong ki neh ki kamjooh.
Ki dawa ka NNA toh wow thung noh ya ki kreh wa lait yong ki Nursing Officer, wow pynsangeh noh wow e cha kiwi wow pynlai næ thung kreh (Outsourcing) ya ki nurse ha NEIGRIHMS kamjooh leh wow pynkrehkaam ya ka MoHFW Office Memorandum wa pynmih ha ka 30 tarik u May 2026 kamjooh leh wow pynman noh ya ki Exam thung kreh.
Ka Association da maham ko leh wa lada ym mih soh hapoh chi tayaaw, i yakhih yong iwa kynthup ya ka Indefinite Strike u sdang i na ka 17 tarik uni u bnai katkam ka Notice wa da e 14 sngi chwa.
Discussion about this post