Ha i takit heiyatoh i chah pynyap u Raja Raghuvanshi ha Weisawdong ka thaaiñ Sohra, da kem leh ya kiwa boon, tangwa ar ngut won da pynlait ki hadien wa ki pulit ym em chem ki wa emkti ki wow murieh wow pynwiar ya ki sabut.
Kini ki ar ngut toh u Balbir Ahirbar (Security Guard i yung wa sah ka Sonam) wa u Lokendra Singh Tomar (u tre yung wa chim wai ka Sonam), kiwa da chah kem ha ki pulit deiwa chah pynbaad wa pynwiar, murieh wei thang ki ya ki sabut, tangwa da pynlait ki hadien wa e kti ya ka Final Investigation Report.
U SP ka East Khasi Hills, u Vivek Syiem da ong u wa ya kini da kem ki ha itu i por katkam wa lai ka takit tangwa hadien won ym ye wow pynsakhiat yeiwa emkti ki kamtæ da hap pynlait noh ki.
Kam wow pynkynmoo wa ki pulit dadep ki wow Chargesheet ya ki 5 ngut wa kynthup ya ka Sonam, u Raj wa ki le ngut kiwa da wan cha Meghalaya yow pynyap ya u Raja. Kattæ won da booh ki pulit ya ka Chargesheet kawa ar pyrchah ya uwi na ki le ngut kiwa da chah kem.
Kani ka kaam da yooluti wow pyndep ka da ka bichaar smat (Fast-Track).
Ki 5 ngut wa kynthup ya ka Sonam, u Raj Kushwaha, u Vishal Chauhan, u Anand Kurmi wa u Akash Rajput dang em ki hapoh patok hi heiwa ka yung bichaar dadep ko wow kyntait yei paan jamin ka Sonam.
Discussion about this post